"walang taong panget. nagkataon lang na yung mukha nila hindi uso at hindi IN" - Bob Ong

Pango ang ilong. Mahaba ang baba. Kapal labi. Maitim. Malaki ang ngipin..Mukhang rabbit. Malaki ang bunganga. Mukhang isda. Mukhang 'monster'.. Mukhang Mamaw..Mukhang planggana. Yan ang ilan sa mga katangian na nalagap ko sa mga ilang mga pinoy na nagsabi ng mga pananaw nila tungkol sa katangian ng isang panget. Kahit siguro naman sa sarili mo ay may standard ka rin ng pangit sa maganda. Di ba?

Pero paano mo masasabi ang isang tao ay pangit? At talaga ba ang taong 'to ay pangit talaga? Hinde naman natin masisisi ang mga magulang natin. E bunga ka nga ng pag-iibigan nila hindi ba? Kung panget ka, e di pangit ka!

*biglang may pangit na batang sumingit*
"Kung pangit ako, E di pangit din si Lord.. kase we are created in the image and likeness of God diba? IMAGODEI?" *Nagpalakpakan. Standing ovation. Nagbunyi ang mga pangit*

Diyos ko! Patawarin niyo po sana 'to! Hindi ko rin masasabi na may pangit talaga. Sabi nga ni Bob Ong, wala naman talagang taong pangit. Oo, tama yung batang sumingit. Wala talagang taong pangit. Bawat tao ay may kagandahang taglay. Kung meron man nagpauso ng pagkakaroon pangit at maganda, isisi niyo yan sa mga Espanyol. Ang mga Espanyol ang nag-impluwensya sa atin kung ano ang standard ng kagandahan. Naimpluwensyahan tayo ng mga Western culture na ang matatangos ang ilong, maganda. Ang mapuputi na maputla pa sa balat ng labanos, magaganda. Yan ang pinamana sa atin ng mga Espanyol na nararapat lang lagyan ng mga bulak sa kani-kanilang mga ilong. Sila rin ang nagimpuwensya't nagbigay ng  'fashion101' sa mga katutubo kaya ang mismong nakabahag, may malisya na sa ibang tao. Ginawa nila yun para mas mapababa tayo sa kanila.

Huwag kang mag-alala kung naging maitim ka man o kung ano mang kapangitan ang sinasabi sayo ng lipunang ginagalawan. Subukan mong magpunta sa ibang bansa, at baka sakaling dun ka IN! di ba? Tulad kung matim ka punta ka ng Africa? Di ka talaga ididiscriminate nilka doon! Tulad na lang ng mga ibang pangit na pinay (pasensya na sa mga tinamaan)..pangit man sila rito, pero sa mga mata ng mga ibang lahi (tulad ng mga Kano), parang Miss Universe na ang turing sa inyo! O di ba?..kung nakakarelate man kayo..

Oo inaamin ko, di naman ako kagwapuhan... nasa middle lang..pero kung pipiliin ako sa dalawa - gwapo o panget..direct to the point na ito....PANGET ako! haha!! Proud pa ako niyan.gusto niyong isigaw ko?

"PANGITT AAKKOO!!!!"
*nag-echo*
"SINUNGALING, SINUNGALING!"

Pero hindi ko naman pinoproblema ang kapangitan ko..(kung pangit man ako...) ang dami daming problema na sa buhay ko, dadagdagan ko pa?

Pero aaminin ko, tingin ko a sarili ko talaga, pangit nga ako. Pero hindi ko rin talaga mapagtanto kung bakit sa kabila ng 'yon may nagkakagusto pa rin sa akin. Miski sa aming campus, meron! Parang gusto kong tanungin: "Malabo na rin ba ang paningin niyo katulad ko?" Naalala ko noon nung nasa hayskul pa ko nun, di ko ma-imagine na sa lahat ng mga gwapung lalaki sa amin, sa akin pa nagkagusto ang 2 Koreana sa akin..i repeat 'dalawa (2)' yon! liban sa dalawang koreana, may mga iba rin mga nagkakagusto sa akin nun. Gayunpaman kahit marami ang nagkakagusto sa akin, hindi pa rin lumaki ang ulo ko..nasa lugar pa rin ako..at 'yon ang maganda run..

Kung sakali mang panget ka, magsumikap ka sa sarili mo. Magsumikap kang maging maganda. Hindi man sa panlabas na anyo, kahit sa panloob na anyo. kung panget ka, gumawa ka ng paraan para maging maganda ka sa pangingin ng ibang tao.Nasa tao lang yan kung pano mo dadalhin ang sarili mo..panget naman kung panget ka na nga, panget pa ang ugali mo?.di ba? Wag niyong hayaan ding manatili kayo sa pagiging pangit at paninindigan niyo nang forever pangit kayo, subukan mong gumawa ng paraan para maging maganda ka sa ibang tao..Di niyo tularan yung nasa telenovela ng ABS-CBN na si "Just Like Betty"? di ba?..kahit na pangit siya, di yon naging hadlang sa kanyang pag-unlad. Saka wag mu ring isipin ang mga iniisip ng mga ibang tao sa iyo, bakit? Sila ba ang nagpapakain sayo? Responsibilidad ba nila kayo? Wala silang pakialam sa inyo liban na lang kung bibigyan ka nila ng P5000 - pataas, para lang asarin ka, pakieaaman ang buhay niyo PWEDE! kahit ilang daan pang comment yan! Haha! Kung nababayaran lang ang ganito,, tsk2...sigurado.Mayaman na ako..Mayamang mayaman..BWAHAHA!!!

Siguro nga mahalaga nga ang pagiging maganda o gwapo lalo na ngayon dahil asset kasi natin yan sa magandang kinabukasan. At aminin man natin sa hindi ay kahit sino ay nangarap ring magkaroon ng gf na maipararampa natin sa malls, at sa mga girls na nangarap ring magkaroon-bf na maipagmamalaki nila sa mga kaibigan nila at sa mga magulang nito. Kahit sino ay parang naka'jackpot' na sa lotto kapag nakamtan mo ang pangarap na yan na noon pa'y naglalagablab na sa puso't isipan mo.

Pero sa panahon natin ngayon ay parang bihira na ang ganyan. Bakit?  Tatanungin kita.  Sa dami ng mga gwapong hunk nagkalat ngayon sa mundo, SURE ka bang tunay na lalaki ang mga 'to? Sa mga nagdagsaang mga magagandang chinita, morena, mestiza, magaganda, nagmamaganda at mga seksing binibining mukhang hipon; SIGURADO ba kayo na totoong babae ang mga 'to?

Sa pagiging praktikal na rin ng mga tao ngayon, di na panlabas at panloob na anyo ang tinitingnan ngayon. Di na mukha ng isang tao kundi mga mukha na nina Jose Abad Santos, Gen.Vicente Lim at Josefa Llanes o di kaya naman si Ninoy Aquino na!  Tinitingnan na natin kung ilan sila na makikita niyo sa bulsa ng isang tao! hahaha!..in short tinitingnan na lang ngayon ang laman ng bulsa mo - kung may pera ka o wala! ...bakit nga pala natin napag-usapan ang pera? hmmm...

Sa panahon rin kasi ngayon na may mga makabagong teknolohiya na, di rin natin masasabi kung ang kagandahang panlabas ba ng isang tao ay natural ba o isang artipisyal..Dahil na rin sa mga makabagong teknolohiya ngayon, marami na ang mga facial surgeries na nagsulputan. Isang halimbawa  na lang dito ay ang nose lift, napapatangos na nila ang ilong ng isang pango. Ang sikat na sikat sa mga matatanda na 'face lift', na tipong ang 50-anyos na lola ay magmumukhang 49! Kaya di na rin natin masasabi ngayon kung natural ba yang mukha niya o tipong niretoke na lang ng mga makabagong teknolohiya ngayon. (mas masakalap pa kung nagdaan pa sa sex change! Mahabaging Maria! Kelan mo pa tinalikuran ang pagiging Adan! ) Pero syempre hindi ka rin makakapagparetoke ng instant kung wala rin sa pera. Kaya marami talaga ang nagagawa rin ng pera.

Siguro, mas maganda pa rin kung hindi tayo basta basta tumitingin sa mga panlabas na kaanyuan ng isang tao. Tingnan mo rin ang panloob ng isang tao. Malay mo sa pagtingin mo sa loob, di lang pala Ninoy Aquino o ubeng Manuel Roxas ang makita mo dyan. Baka dollars pa? Ikaw din! *toinks!*

Pwera biro. Hindi dapat tayo basta tumitingin sa mga panlabas na kaanyuan ng isang tao. Tingnan mo rin ang panloob na kaanyuan ng isang tao. Dahil ang panlabas na katangian ng isang tao ay kumukupas, pero ang panloob na katangian ng isang tao, hindi...

Pero dahil aanhin mo nga naman ang kagandahan sa panahong 'to, kung 'GUTOM' lang ang kahihinatnan niyong dalawa? Hmm..



Tingnan mo na lang ang loob ng bulsa niya para walang away..



- nin0ybaltazar09

 
ANO?! Bakit "LANG"? ang hirap kaya niyan? tapos nila"Lang" niyo lang?....

Ang hirap kayang maging karpintero? Bakit kaya ba ng iba na gumawa ng bahay na walang nirereklamong hirap? Kaya ba nilang magbilad sa arawan sa pagsesemento lang? Kaya ba ng iba na tumulong sa pagtayo ng gusali na di iniindahin sakit ng katawan sa pagpasan ng mga semento, kahoy o bakal at ang tanging kadamay lang ay Alaxan iF-R? Kayo ba nila yan Dong?

Hirap kayang maging katulong? Di kayang madaling maglaba at mamalantsa ng tambak tambak na mga damit ng buong pamilya? Bakit kaya niyo bang gumawa ng mga gawaing bahay na sa'yo lang nakaasa? Kaya niyo bang indahin kung sakaling pagalitan ka na ng amo mong palautos habang siya nman ay wiling-wili sa panunuod ng 'Eat Bulaga' habang kumakain ng tokneneng at nakapatong ang paa sa ibabaw ng mesa? Hindi rin kaya biro ang maging isang 'taga' sa loob ng bahay - tagalaba, tagahugas ng pinggan, tagaplantsa, tagalinis ng bahay, tagalampaso ng sahig, at tagahugas ng pwet ng amo (at kung mamalasin pa ay kung manyakis pa ang amo mo!)? Ikaw kaya, kaya niyo?

At ang hirap rin kayang maging pulubi?!!..hirap magbilad sa arawan para lang may malimos....bakit kaya ba nilang mamalimos sa buong araw para lang may makakain? Kaya ba nilang magmakaawa sa ibang tao na mahihingian ng makakain at tanggapin na lang ang mga pagdedema ng mga taong nakapaligid lang sayo?
Bakit ba minamaliit natin ang mga sarili natin? E kung yan talaga ang nasa atin eh, ipagmalaki mo! wag niyong maliitin ang sarili niyo!...ipagmalaki kung anuman ang meron kayo!

Buti nga marangal ang ginagawa niyo eh, hindi atlis hindi gumagawa ng bagay na nakakasakit sa ibang tao. Hindi gumagawa ng mga masasamang gawain para lang mabuhay sa mundo..Pero kahit na ganun, nauunawaan ko parin ang mga ibang mahihirap na gumagawa ng mga masasamang gawain..Oo nga dahil sa hirap nga ng buhay kaya nila ginagawa yun..ang hndi ko lang matanggap ay yung mga ibang mayayaman, lalo na sa ibang pulitikong na mismong nakaupo na sa gobyerno natin. Kung sino pa ang mga nasa posisyon at may kapangyarihan, yun pa biniyayaan ng mga malilikot at makakating kamay! Di ko lang alam kung binabawi lang nila ang mga nagastos nilang pera sa eleksyon o sadya talagang galing sa angkan ng mga balat buwayang mga 'to! Patuloy paring nagnanakaw mula sa kaban ng bayan..Bakit kaya ganun? Kung sino pa yung mga mayayaman na, yun pa ang garapalang nagnanakaw? Parang ang labo naman ng mundo habang tumatagal? Nakakawindang!!

Sa mga taong hindi makontento sa buhay na tinatamasa nila, abay tumino-tino naman kayo! Makontento kayo kung anuman meron kayo..Wala akong pakialam kung isinilang na talaga kayong balat BUWAYA pero sana inisip niyo rin na marami sa atin ang naghihirap sa mga pinaggagawa niyo! Na nailuklok kasyo dyan sa mga posisiyon niyo dahil tinawala sa inyo ang mga taong bayan at hindi para gaguhin lang ang sambayanang Pilipino! Kaya rin dumarami ang mga kriminal na mahihirap dito dahil na rin sa inyo eh!!
Hindi niyo ba alam dahil rin sa kasakiman na yan ay naging Satanas si Lucifer? Hindi nakontento si Lucifer sa pagigi niyang angel. Gusto niyang maging makapangyarihan tulad ng Panginoong Diyos, kaya nasan na siya ngayon? Pinarusahan siya ng Diyos at binaba sa langit. At doon na siya nagbebenta ng mga ice water, halo-halo, buko juice at electric fan sa impyerno dahil infairness daw talaga ang init sa ibaba!
Alam niyo lahat ng mga bagay sa atin, maliit man o malaki...mahirap man o madali...,ay kailangan nating ipagmalaki..huwag nating ikahiya. kung yan ang binigay ng Diyos sa atin eh, ipagmalaki natin sa sarili naten..baket ung iba ba kayang gawin ang mga bagay na ginagawa niyo? hindi di ba?.

Wag ring gumawa ng bagay na masama...makontento sa anumang bagay na meron tayo.....yun lang!

Brothers and sisters, kindly all stand and pray..

phototaken by : ejsabandal

"Lahat ng talento natututunan. May mga tao talagang pinanganak nang sadyang may talento, husay at talino. Pero di ibig sabihin nun ay di rin natin magagawa ang ginagawa rin nila.." 

Hindi ko talaga mapagtanto sa inaaamag kong isipan na kung bakit sa lahat pa ng bagay sa mundong ibabaw na ibibigay ng isang nanliligaw sa nililigawan (bagay na madalas na ibinibigay) ay ang bulaklak (lalo na ang rosas)?.. Dahil ba sa mabango ito kaya ito ang halos na binibigay ng mga karamihan sa mga manliligaw?

Bakit sa lahat ng ibibigay niyo, bulaklak pa? Ano ang meron sa bulaklak na wala sa ibang bagay? Mas okay pa ang necklace at bracelet, atlis na susuot. Mas okay pa ang tsokolate, hindi nga nagagamit pero nakakain naman. Mas okay pa kung manika o teddy bear. Oo nga ang teddy bear o mga manika nde nga nagagamit at nde rin nakakain, pero nde naman ito nalalanta! Pero ang bulaklak, nagagamit ba ito o pangdekorasyon lang?.E kung malanta na, pang-dekorasyon pa rin ba? Kung sa'yo oo..cge ikaw, gawin mong dekorasyon! susuportahan kita!

Di ko talaga alam kung bakit karamihan sa atin, meron pa rin nagbibigay ng bulaklak sa kanilang nililigawan o minamahal. E sa oras na nalanta yan, diretso rin yan sa basurahan di ba? E bumili ka na lang ng artificial flower para nde malanta! Siguro nga sa iba hinde nila gagawin yun. Kalimitan na lang sa mga babae ang nagtatago pa ng bulaklak kahit lanta na ito. Siguro yun tipong gagawin nilang bookmark sa libro ang isang piraso ng bulaklak na binigay mo.Yung tipo namang gagawin nilang "remembrace" sa taong nagbigay sa kanila nito. O yung tipo namang gagawa naman sila ng atlar, ilalagay nila sa altar nila at doon sila magsasamba! SAAAMBBAA!! SAAAMMBBAA!!!

Naalala ko tuloy yung mga panahong nagbi²gay pa ako sa babae ng roses. Siya pa lang ang unang
babaeng bingyan ko ng ganun! Siya kase ang 1st love ko..uuuyy! whatever..! Sa bawat araw na pumupunta ako sa Baclaran, bumibili ako ng roses para a kanya. Kaya everytime na binibigay ko sa kanya yun, masaya na ang araw ko. Parang nasa heaven ang dating lalo na pag siya ngumiti! Pero nung one time, na nagbigay ako sa kanya, sinabihan na ako ng kaibigan ko na huwag na kong magbibigay pa ng flowers. Nagtaka ako sa kanya kung bakit at hanggang sa nalaman ko sa kaibigan ko kung bakit at kung anong dahilan. Nung una ko siyang tinanong, ayaw niyang sabihin sa akin. Hanggang sa nalaman ko na ang dahilan nung kasama ko nang nagpacounsel ako sa guidance. To make his story short, tinatapon lang ng girl ang bulaklak na binibigay ko sa kanya. Sa isip-isipan ko, siguro nga'y sa tuwing pagkatapos niyang pinaparada niya ito sa campus (siguro'y tatakbo atang muse o magpapa-cute sa mga ungaz niyang manliligaw!) ay doon niya ginagawa yun. Siguro nga rin kaya hindi sinabi sakin ng kaibigan ko 'to dahil ayaw niyang masaktan ako o baka hinde ko siya paniwalaan. Naintindihan ko naman siya. At nung malaman ko nga iyon, talagang nasaktan ako. Tinigil ko na nga ang pagbigay sa kanya ng bulaklak. Ayoko na. Natuto na ako.Gusto kong magalit sa kanya pero mahal ko siya. Ayoko na talaga. Kung gusto ko pang magbigay ng bulaklak sa kanya, hindi na rosas. hindi na daisy. Chrysanthemum! Chrysanthemum ang bibigay ko a kanya! Hayup siya!

Yun mga sumunod na araw, PE namin yun. Tinanong ng kaibigan kong babae sa girl kung ano ang ginagawa niya sa mga flowers na binibigay ko sa girl na yun. Sabi ng babaita naman ay inilalagay niya sa FLOWER VASE! Kinwento sakin ang sinabi. Halos matanggal ang mga balahibo ko sa narinig. Hinde ko alam kung anong pakiramdam ko nun. Buti nasa bus kami nung mga araw na yun at wala sa Canteen. Kundi magkakaroon talaga ng mga pakpak ang kutsara'tinidor at plato dun! Sama na natin ang baso! Grabe! Sinabi niya yun?! Buti wala ako dun nung nag-uusap sila kundi sasabihin ko talaga ay ganito: " Wow! ang sweet mo naman! Pwede bang matanong kung saang FLOWER VASE mo ba pinaglalagay ang bulaklak na binibigay ko sa'yo? Sa Biogradable or sa Non-Biogradable? Ang sweet mo talaga!" Para talagang naasar talaga ako sa sinabi niya. Gusto ko nang ihagis yung kundoktor na nangungulit sakin kung estudyante ba ako o hindi. Para bang gusto kong bumaba ng bus at lakarin na lang mula baclaran hanggang sa amin. Para bang gusto kong sumigaw sa bus ng "SH*T!!" pero hindi ko gawain ang magmura. Hinde ako sanay maglabas mula sa bibig ko ang mga ganitong mura. Napakaplastic niya! Haaay....Sinubukan ko na rin nagpakalayo sa kanya. Dahil alam kong may iba na rin siyang mahal.

Kaya kung ako sa inyo, sa mga manliligaw, imbes na bulaklak ang ibigay niyo, mag-isip na lang kayo nga mga bagay na ma-aappreciate naman ng nililigawan niyo. huwag nang idaan lang sa bulaklak lang. nalalanta ang bulaklak at hindi nagagamit sa pang-araw-araw na pangangailangan natin. Hinde naman sa pinagbabawalan ko kayong magbigay ng bulaklak. E sino ba naman ako sa inyo? di ba? Okay lang naman siguro kung magbibigay ka ng bulaklak. di naman masamang i-try ang magbigay ng bulaklak lalo na kung 1st time mo pa lang. Pero sana mapaghandaan mo na sa sarili mo bago ka magbigay ng bulaklak, na kahit anong bulaklak man ang iyong ibibigay. Mapa-rosas man yan, Daisy, Chrysanthemum, santan o kahit anu pang bulaklak pa yan. Mapasimpleng bulaklak man yan o bouquet. Malalanta rin yan at diretso rin yan sa basurahan pag nagkataon. Pag-isipan mo muna ang bagay na ito bago ka gumawa ng aksyon dahil baka masaktan ka sa huli....


PS: Ishe-Share q lang seno kung bakit nga ba bulaklak ang karaniwang binibigay ng isang manliligaw sa nililigawan...Bakit nga ba? Ay0n sa nalaman ko, matap0s kong suysuyin ang kailailaliman at kaibutu-ibuturan sa katanungangan ito, aking napag-alaman na kaya pala Bulaklak yun ay dahil sa ito'y nalalanta....Ha? So? E ano naman kung nalalanata 'to?

Ang bulakLak pala ay maitutulad sa isang panliligaw..Ang panliligaw ay hindi pangmatagalan...may hangganan din ang isang lalake sa panliligaw sa isang babae...Kaya dapat kayung mga babae, di dapat niyong patagalin ng mga 3 taon pataas dahil walang magtatagal na manliligaw sa inyo kung ganyan ka'yo...yun lang.