Kanina pa kita tinititigan
Kanina pa kita pinagmamasdan
Kanina pa ako sa'yo'y tulala
Pinagmamasdan ang iyong mukha

Di ko talaga maintindihan
Sarili ko talaga'y nagugulumihan
Ano bang hiwaga ang meron sa'yo
at inalis mo ang lungkot sa puso ko?

Di ko talaga mapagtanto
Sa isipan kong gulong-gulo
Papaano mo naalis siya sa isipan ko
Pinalitan ng saya ang lungkot sa puso ko?

Ikaw na kaya ang hinahanap ko
na magpapasaya sa puso ko?
Ikaw na ba ang hinahanap kong ilaw
na magbibigay ng bagong liwanag sa buhay ko?

Kaya eto nagyo't nandirito
Nakatitig pa rin sa iyo
Naghahanap ng mga kasagutan
sa mga tanong sa aking isipan



-ninoybaltazar09-