10/16/08 10:18 PM
Dahil sa'yo natuto akong mangarap
Mangarap nang kasing taas tulad mo
Nangarap na abutin ka't maging tulad mo
Isang bituing nagningning sa kaitaas-taasan..
Dahil sa'yo natuto akong mangarap
Mangarap na akyatin ang mataas na bundok
Sisirin ang kalalim-laliman ng dagat
Para lang maabot ka sa kinatatayuan mo..
Dahil sa'yo natuto akong mangarap
Mangarap lumipad nang mataas tulad ng lawin
Ipagagaspas mga pakpak kasamang mga pangarap
At salubungin ang daluyong na aking haharapin
Dumating man mga pagsubok ko sa buhay
Di papatinag makamit lang pinapangarap
Ikaw ang nagbibigay lakas ng loob sa puso ko
Ang nagbibigay dahilan upang ako'y lumaban
Kung di dahil sa'yo wala ako rito
Wala ako rito sa kinatatayuan ko
'Kaw siyang naging tanging inspirasyon ko
Ang aking inspirasyon sa pag-aaral ko
Kung sakaling dumating ang sandaling
Wala kang kasama't ika'y nag-iisa
Nandito lang ako sasamahan ka't dadamayan
Nagmamahal sa'yong humahanga, magpakailanman
Kung sakali man, sana'y magkaroon ka ng oras
Na ako'y makilala mo't makipagkaibigan sa'yo
Dahil kung ito'y dumating man, aking ipapangako
Ang pakikipagkaibigan natin aking pakakaingatan..
-nin0ybaltazar09
