Ako'y naririto
Nag-iisa sa silid ko
Pinagmamasdan litrato mo
Kung pano sisimulan pagguhit sa'yo

Ilang oras pinag-isipan
Kung bakit ikaw aking napili
Para sa aking katangi-tanging
Pagguhit ng larawan ng tao

Siguro nga'y kaya ika'y napili
Dahil sa ika'y mahal ko
Di magsasawang iguhit ka
Dahil sa ika'y inspirasyon ko

Sa pagguhit ko nilalabas
Lahat ng nararamdaman sa'yo
Pagmamahal na gusto kong ipadama
Na di pa rin maamin hanggang ngayon sa'yo

Halos isang linggong pinaghirapan
Matapos lang unti-unti
Ilang araw nagtimpi
Ilang gabing pinagtiyagaan

Hirap palang magdrawing ng tao
Lalo na't biglaan itong pagguhit
Pero di ko ito inalintana
Dahil sa'yo,alam kong matatapos ko ito

Pasensya na talaga kung hinde
Masyadong hawig 'yong mukha sa larawang ito
Pinilit ko itong ayusin
Pero hanggang dito lang ang kaya ko

Hiling ko lamang sa'yo
Sa paglipas ng mga panahon
Wag mo sana itapon larawang ito
Dahil ito lang tanging pamana ko sa'yo

Ang pamanang tinutukoy ko
Ay di sa ito'y trip ko lang na iguhit ka
Buong puso ko itong pinaghirapan
Maiguhit lamang ang minamahal ko.......... :)



-ninoybaltazar09-