Nandito na naman ako
Naghihintay sa harap ng entrada
Inaabangan pagdating mo
Para masulyapan ka lang sinta

Sarili ko'y di mapakali
Sa paghangad na ika'y nais makita
Araw ko'y di nakukumpleto
Hangga't di ka nasisilayan

O kay sarap pagmasdan
Ang maamo mong mukha
Na wari mo'y isang pustiso
Na nagpapangiti saken ng bigla!

At sa mga mata mong nakakaakit
At ngiti mong nakakahumaling
Tila ba ako'y nagayuma na
At sa isipan ko'y di na maalis!

Sa oras na ika'y makita
Problema't pagod ko'y nawawala
Lungkot ko'y napapalitan ng saya
At para bang ako'y nasa langit na!

At sa oras na ako'y titigan mo
Mundo ko'y humihinto
Puso ko'y tumitibok
Kasing bilis ni Lydia de Vega!

Kung alam mo lang
Ikaw lang ang nasa isipan ko
Ikaw lang ang sinisigaw nitong puso't
Tanging inspirasyon sa pag-aaral ko

Kaya pasensya na talaga
Kung di ko pa maamin sa harapan mo
Na ang puso ko sayo lang umiibig
Kaya idinaan na lang dito't nawa'y maibigan mo

Kaya eto ako ngayon
Naghihintay pa rin sa iyo
Di nagsasawa sa pag-abang sa'yo
Makita ka lamang.........sinta ko :)



-ninoybaltazar09-